في وسط مئات الإعلانات، المشتري بياخد ثواني عشان يقرر يفتح إعلانك ولا يكمل. الحاجات دي بتفرق.
1. الصور هي الإعلان
- صوّر بالنهار والستاير مفتوحة.
- رتّب ونضّف قبل التصوير.
- صوّر كل أوضة من الركن عشان تبان أوسع.
- خلّي أحلى صورة هي الغلاف، غالباً الريسبشن أو الفيو.
- ارفع صور كتير وواضحة. على بلان تقدر ترفع لحد 15 صورة.
2. عنوان فيه أهم ميزة
بدل "شقة للبيع"، اكتب حاجة زي: "شقة 3 غرف بجاردن استلام فوري في الشيخ زايد". العنوان الكويس فيه النوع والمساحة أو الغرف، وأهم ميزة، والمنطقة.
3. سعر واقعي
اتفرج على إعلانات مشابهة في نفس المنطقة قبل ما تحدد السعر. السعر المبالغ فيه بيخلّي الإعلان يقعد كتير، وده في حد ذاته بيقلل الثقة فيه.
4. وصف صادق ومنظم
اكتب:
- الحالة والتشطيب.
- الدور والاتجاه والفيو.
- المميزات: أسانسير، وجراج، وأمن، وقرب من الخدمات.
- طريقة الدفع لو فيه تقسيط.
الصدق في الوصف بيوفر عليك زيارات من ناس مش مهتمين فعلاً.
5. حدد المكان على الخريطة
الإعلانات اللي مكانها محدد بتظهر في عرض الخريطة، والمشتري بيحب يعرف الموقع بالظبط.
6. رد بسرعة
أسرع رد على الرسايل والمكالمات بيكسب. رسائل المهتمين بتوصلك في حسابك على بلان.
7. ميّز إعلانك
الإعلانات المميزة بتظهر في أول نتايج البحث وفي الصفحة الرئيسية، وده بيزوّد المشاهدات بشكل كبير.
بونص: لو الشقة محتاجة تشطيب
الشقق المتشطبة بتتباع وتتأجر أسرع غالباً. لو عايز تعرف تكلفة التشطيب قبل ما تعرض، جرّب حاسبة التشطيب أو اطلب معاينة من بلان.